| تبليغات | X |
|
بویله مستم بیلمرم کی می ندیر مینا ندیر گل ندیر بلبل ندیر سنبل ندیر صحرا ندیر اود دوتوب جانیم سراسر یاندی آمما بیلمدیم دیل ندیر دلبر ندیر باشیم ده بو سودا ندیر بیلمدیم عمرومده هرگزکفروایمان هانسی دیر احمد ومحمود کیم دیرعیسی وموسی ندیر طره هاتی قوی کناره رقصه گل ، دیوانه وار گل خرابات ایچره گور بو شورش وغوغا ندیر درد صافی گوزله مک وقتی دگیل ساقی آمان شیشه وئر پیمانه وئر ساغر ندیر صهبا ندیر دور گوزون قوربانیم مستانه گل رندانه وئر چوخ دئمه جمشید دن اسکندر و دارا ندیر یئتدی عمرون آخره سن بیر نباتی بیلمه دین کیمدی بو گوزدن باخان یا دیلده بو گویا ندیر
دلبرا من سندن آیرى عمرو جانى نیله رم تاج و تختى، ملك و مالى، خان مانى نیله رم؟ ایسته رم وصلى جمالین، تا قیلام درده دوا، من سنین بیمارینام، ئوزگه دوانى نیله رم؟ اى مسلمان لار، بیلین كیم، یاریله خوشدور جهان، چون كى یاردان آیرى دوشدوم، بو جهانى نیله رم؟ چوخ دعا لار قیلمیشام من خالیقین درگاهینه، چون مرادیم حاصل اولماز، من دعانى نیله رم؟ دلبر آى دیر، اى نسیمى، صابر اول قیلما فغان، من بو گون صبر ائیله سم، دانلا، فغانى نیله رم؟
اوفوقلرده قیزیل یوللار آچیلیر رویالاردا ، سونسوز اولان یوللار تک قاناد ایله یئل داغیدیر سولارا قورو یارپاق ، ساری سامان ، گول ، چیچک توزلو کوللار ، یاریم چیلپاق آغاجلار دالغین – دالغین اوزاقلارا باخارلار بوز بولودلار ، دریالاردان اوجالیب داغدان آشیب ، دره لره آخارلار
نه دئییم ، نه یازیم ، اوره ییم یانیر وارلیغیم – منلییم ، سانگی اودلانیر آلتمیش ایل دورمادان اوخودوم ، یازدیم مین بیر مشقته ، زحمته دؤزدوم . اؤلکه نی ، دونیانی ، دولاندیم گزدیم سور گونده ، زیندان دا ، اطرافی سئزدیم اؤزونه قاباقجیل آد قویان سس لر گؤردوم وحشت ده دیر ، باتیب نفس لر حاکیم یئر اؤزونده پول دور ، قدرت دیر زواللی انسان لار أزیلیب گئدیر حقیقت ، عدالت قورو سؤزلردیر ساری شیطان آدی اؤن سؤز دئییلیر . یازیق آج قیز – اوغلان ، یاشلی قوجالار آجلیقدان ، مرض دن ، تیتره ر ، چوبالار نه مرام ، نه آیین ، نه مذهب ، نه دین وورولموش دویونلر اوستونه دویون خلقی آلدادیرلار مین بیر حیله ایله حق دییه ن ، انسان لار ، سوسور گولـله ایله بورویوب هر یئری ستم له ، فساد هئچ یئرده قالماییب انسانلیقدان آد
ای چرخ، منیم اه شرر باریما رحم ائت هجرانه یانان سینه افکاریما رحم ائت صبحه کیمی انجم سایارام فکر رخوندا هجران گئجه سی دیده بیداریما رحم ائت غربت المی،یار فراقی،منی آلدی غربتده قالان جان گرفتاریما رحم ائت تنها قالیبان بی کس اولوب،یاردان آیری بی کس لیغیما،حسرت بسیاریما رحم ائت اشگ ائله ائدیب هر طرفه سیل روانه چون ابر صفت چشم گهرباریما رحم ائت هجران رخ یار منی سالدی آیاقدان یئتیرمنی اول مونس غمخواریما رحم ائت یوز زحمت ایله خاموش اولوب بو دل ویران حیران فغان ائتمه،دل زاریما رحم ائت
رفیق راهی و از نیمه راه میگویی وداع با من بی تكیه گاه می گویی میان این همه آدم، میان این همه اسم همیشه نام مرا اشتباه می گویی به اعتبار چه آیینه ای، عزیز دلم به هركه می رسی از اشك و آه می گویی دلم به نیم نگاهی خوش است، اما تو به این ملامت سنگین، نگاه می گویی؟ هنوز حوصلهء عشق در رگم جاری است نمرده ام كه غمت را به چاه می گویی
Mektup bir guzel sevmishtim birakti gitti
گلون یاراق گئجه نین باغرینی،شهاب کیمین گلون چیخاق دومان آلتیندان،آفتاب کیمین بو بئش عمری،گلون قارقالیغدا قالمیاغین گلون،گلون،یاشایاق اوج ده عقاب کیمین گلون یاشیل چمنین گوز یاشین توکوب کوزه یه ائلین پیاله سینه اندره ک،گلاب کیمین گلون،صداقتیلن محو ائده ک اوره ک کدرین محبتیله جوشوب،داشلاناق شراب کیمین گلون،گلون،اوخ اولوب دوشمانین باتاق گوزونه گلون،گلون،دولاشاق بونینا طناب کیمین گلون بیر اوزلو اولاق،بیر هدفلی بیر دیللی رسول اکرمه نازل اولان کتاب کیمین گلون گولنده وطن،غملری قوواق قاپی دان قان اغلایاندادا،قان اغلیاق کباب کیمین گلون اخار سو اولوب یوللاناق یارین باغینا سوسوز جماعتی آللاتمیاق سراب کیمین
|
